IP address වර්ග

ඔන්න අද කතා කරන්න  යන්නේ IP address ගැන තවත් වැදගත් දේවල් ටිකක් තමයි.

IP address වර්ග දෙකක් මේ වෙනකොට ලෝකේ පාවිච්චි කරනව. ඒ තමයි, 

1.   IP VIRSION 4 (ipv4)

2.   IP VERSION 6 (ipv6)

දැනට අපිනම් වැඩිපුරම භාවිතා කරන්නේ ipv4 address තමයි. ඒත් ලෝකේ අනිත් රටවල් නම් ipv6  address දැන‍ට පාවිච්චි කරනවා.

අපි වැඩියෙන්ම පාවිච්චි කරන  IPv4 ගැන දැන් කතාකරමු…

Ø IP address එකක byte 4ක් තියෙනවා.

Ø එක byte හදුන්වන්නේ octet එකක් කියලයි.  

Ø Octet එකක උපරිම අගය 255 සහ අවම අගය 0 වේ.

Ø එම අගය 8බිට් (8 bit) වලින් පෙන්න්වයි.

Ø Ip addressඑකට bit 32තියෙනවා.

අපි සාමාන්‍යයෙන් IP address එකක් ලියන්නේ  Dot-decimal notation එකෙන්. 

දැන් ඔයාලා බලනවා ඇති මොකක්ද මේ Dot-decimal notation කියන්නේ කියලා.

ඒ කියන්නේ  අපි ඉස්සර වෙලා කතාකරපු Octet එකක් එහෙමත් නැත්නම්  byte 1ක්  
( bit වලින් නම් 8ක් ), dot 1 කින් වෙන් කරලා දහයේ පාදයෙන් ලියන ක්‍ර‍ම වේදයට තමයි.

උදාහරනයක් ලෙස  මෙ‍ම 172.16.254.1. IP address එක සලකා බැලුවොත් මෙහි  ඇති IP එක dots වලින්  8 bits (octet) group වලට වෙන් කරලා තියෙනවා.

සාමාන්‍යයෙන්  ip address එකක් හරි විදිහට නම් භාවිතා කරන්නේ ඕනේ binary අගයන් වලින්   ( උදා: 11000000.10101000.00000101.10000011 ).

මේ ක්‍රමය අපිට මතක තියාගන්න අපහසු නිසා තමයි ඒක දහයේ පාදයේ සංඛ්‍යා වලට 
හරවල මේ  ip address පාවිච්චි කරන්නෙ. ඉහත උදාහරණයේ binary වලින්දක්වා ඇති  
ip address එක  දහයේ පාදයට හරවපුවම ලැබෙන්නේ 192.168.5.131.

ඉතින් මේ ක්‍රමයට කොච්චර address ප්‍රමාණයක් හදන්න පුලුවන්ද කියල ඔයාලට අමුතුවෙන් කියන්න ඕන නෑනේ. 

000.000.000.000 ඉදල  255.255.255.255 වෙනකන් address  බිලියන 4.3 ක් විතර හදන්න පුළුවන්. කොහොම උනත් මේ ලිපින වලින් මිලියන 16.8 ක් විතර නොයෙක් හේතුන් මත සාමාන්‍ය පරිශීලකයන්ට භාවිතා කරන්න දෙන්නෙ නෑ. 

අපි ඒ ගැනත් ඉදිරියේදි කථාකරමුකෝ. (  public IP address සහ private IP addresses ලෙස අා‍යෙත් ip address බෙදා දක්වන්න පුලුවන් )

ඒ උනාට මේ address බිලියන ගණන අද වන විට මදි වෙලා කියල කිව්වොත් ඔබ විස්වාස කරන එකක් නෑ. ඒ තරමට අන්තර්ජාලය හා සම්බන්ද වෙන උපාංග ගණන අති විශාල ලෙස ඉහල ගිහින්. ඉතින් මේකට පිලියමක් වශයෙන් තමයි ipv6 ලෝකයට එන්නෙ.

loading..

Read More »

නැනෝ සිම් එකක ගානට, දැනට තියෙන සිම් එක කපා ගන්නේ කොහොමද ?

මෙම රූපෙයන් පෙනෙන්නේ නැනෝ සිම් එකක ගානට සාමාන්‍ය SIM එකක්  කපා ගත් අයුරුයි.

මේ සදහා අවශ්‍ය ද්‍රව්‍ය :
01. අඩි රූලක්
02. හොදින් කැපෙන කතුරක්
03. A4 කොලයක්
04. සිහින් තුඩ සහිත marker pen එකක්

loading..

Read More »

නැනෝ සිම් (nano sim )

මගේ  office  එකේ  යාළුවෙක් ඉන්නවා රන්දිම කියලා. දචසක්   රන්දිම මට කිව්වා " මරු HTC Phone series එකක් ඇවිත් තියෙනවා කියලා" මට තේරුන විදිහට මිනිහට ඒ phone එකකට ගොඩක් හිත ගිහින් තමයි තිබුනේ, මොකද එ් දචස්වල එයා internet එකේ වැඩිපුරම search කරන්නේ HTC phone brand එකකට අදාල fretures තමයි. මොකද දන්නවද රන්දිමට එච්චරටම මේ phone 1ට හිතගිහින් තියෙන්නේ ?
එයාගේ බාප්පා මේ ලගදි අලුත් phone 1ක් අරන් ඒක HTC වර්ගයේම එකක් තමයි. මේ phone එක රන්දිම දැක්කට පස්සේ තමයි HTC phone වලට තියෙන ආසාව වැඩි වෙලා තියෙන්නේ. ඇත්තටම ඒ phone එකට සුපිරි look එකක් තියෙනවා තමයි.
පහුවදා මට රන්දිම කිව්වා මම phone 1ගත්තා කියලා ඒත් පොඩි අවුලක් තියෙනවා කියලා.
මම ඇහුවා මොකක්ද බන් අවුල කියලා. එතකොට රන්දිම කිව්වා මේ phone 1කේ dual sim දාන්න පුලුවන් ඒත්  nano sim තමයි මෙකට දාන්න පුලුවන් කියලා. රන්දිම phone එක ගත්තු shop  එකේ මිනිහෙක් එයා ගාව තිබුනු සිම් එක sim cutter එකකින් නැනෝ සිම් එකේ ගානට කපලා දීලා තිබුනා ඒත් ඒක වැඩ කරලා තිබුනේ එක දචසයි. පස්සේ රන්දිම Mobitel එකට ගිහින් damege වෙච්ච sim එක ‍වෙනුට අලුත් nano sim එකක් ගන්න. ඒත් mobitel එකෙත් nano sim ඉවරචෙලා.
බැරිම තැන රන්දිම micro sim එකක් තමා අරගෙන තියෙන්නේ. ඒත් පොඩි අවුලක් තියෙනවා මොකද micro sim ඒ phone එකට දාන්න බෑ. ඉතින් අපි හිතුවා ඒ micro sim එක nano sim එකක් ගානට කපලා ගන්න.
ඊටපස්සේ අපි ඒ micro sim එක කැපුවා හැබැයි යාළුවනේ ඒ වැඩේ කියන තරම්නම්  ලේසි නැහැ.
වැඩේ හරියට කලොත් ගොඩ නැත්නම් පරන සිම් එක වැඩකරන්නේ නැති වෙනවා. මොකද දන්නවද බැරිවෙලාවත් sim එකේ Active chip  කොටස damage  උනොත් තමයි සිම් එක වැඩකරන්නේ නැති වෙන්නේ. 

sim card එකක ව්‍යුහයක හරස්කඩක් පහත දැක්වේ.

ඔයාලටත් එ්වගේ නැනෝ සිම් එකක ගානට, දැනට තියෙන සිම් එක කපා ගන්නේ කොහොමද කියලා මම ඊලග ලිපියෙන් ලියන්නම්කෝ.

loading..

Read More »

මොනවටද මේ IP Address කියන්නේ

මගේ ඥාති අයියා කෙනෙකුගේ පුතෙක් ඉන්නවා ක්‍රිෂාන් කියලා. ඔන්න දවසක් මේ පොඩි පුතා ඇවිත් මගෙන් අහනවා පියුම් මහත්තයා කියන්නේ මල් බෙදන මාමා කෙනෙක්ද කියලා. කවුරු හරි එයාට විහිලුවට එහෙම කියලා තියෙන්නේ.
නෑ පුතේ ඒ මාමා තමයි ලියුම්  බෙදන්නෙ කියලා. මේ කොල්ලා ටිකක් කටකාරයි අනික ඉතින් දන්නවනේ පොඩිඋන් ප්‍රශ්න අහන්න ගත්තම කොහොමද කියලා. 
මේ  පුතා ඊලගට මගෙන් අහනවා :
 "පියුම් මාමා කොහොමද අපි ඉන්න තැන දන්නේ කියලා. "
මම කිව්වා, ලියුමේ උඩපැත්තෙ තමයි, ලියුම යන්න ඕන තැන ලියන්නේ  ඒකට තමයි Address එක කියලා කියන්නේ කියලා. 
ඊට පස්සේ පුතා මට කියනවා 
"අපේ ගෙදරටත් ලියුමක් ආවා ඒත් ඒ ලියුම වැරදිලාලු ඇවිත් තියෙන්නේ කියලි අපේ අම්මා කියනවා මට ඇහුනා " එහෙම පියුම් මාමාට වරදිනවද ?
මම කිව්වා, ගෙදර Address එක වැරදුනාම තමයි එහෙම වෙන්නේ කියලා.

දැන් අපි Subject එකට යමු...................................
ඔන්න අද කතා කරන්න  යන්නේ IP address ගැන 
අපෙ ගෙවල් වලට තියන Address එක වගේ පරිගනක ජාලයක ඇති PC
එකකටතියන ලිපිනයට තමයි IP Address එකක් කියලා කියන්නේ.
ඉතින් ඇයි මේක මේ තරම් වැදගත් වෙන්නෙ?
පරිගනක අතර තොරතුරු හුවමාරුවේදී පරිගනක අදුනාගන්නත් පරිගනක ජාලයට අයත් අනෙකුත් උපකරනවලට පරිගනක හදුනා ගැනීමේ පහසුවටත් ජාල කලමනාකරනයටත් (Network Administration) 
මේ IP ලිපිනය ගොඩක් වැදගත් වෙනවා.

අප Network එකක් සැළසුම් කිරීසුම් කිරීමේදී IP Address අපිට කැමති පරිදි එක් එක් උපකරණ සදහා Assign කිරීමට බැහැ. ‍මේ සදහා පිළිගත් ක්‍රමවේදයක් තියනවා. අප නිවරදිව Network එකක් සකස් කිරීමේදී එහි ඇති උපාංග ගනන, එම Network එකට සම්බන්ද කරන Network ගණන වැනි දෑ ගැන අපට ගොඩක් සැළකිලිමත් වෙන්න වෙනව. ඔන්න ඔය වගේ දෙ‍යකට තමයි මුලිකවම IP Address එකක් කියන්නේ.

එලෙසම විවිධ වූ මෙහෙයුම් පද්ධති සහිත විවිධ වූ පරිගනක අන්තර්ජාලය තුල දත්ත සන්නිවේදයන කිරීමට භාවිතා කරන සම්මත ප්‍රමිතිකරණය “අන්තර්ජාල නියමාවලිය”  Internet Protocol ලෙස හඳුන්වනවා. 
අපි මෙච්චර වෙලා IP කියලා කතාකලේ ඔය ගැන තමයි. 

තැපැල් ලිපිනයක් හඳුනාගැනීමට නිවසේ අංකය, වීදිය, නගරය, තැපැල් කොට්ඨාශ අංකය, වැනි විවිධ කොටස් භාවිතා කරනවා. ඒ ආකාරයටම IP ලිපිනයක් තුලද විවිධ උප කොටස් සහ විවිධ IP ලිපින පංති (Classes) වැනි දෑ ගොඩක් තියෙනවා. 
ඇත්තටම මෙම ලිපිය තුල එතරම් ගැඹුරට සාකච්ඡා කරන්න මට දැන් වෙලා මදි.  “Internet Protocol” පිළිබඳව ගැඹුරු අධ්‍යනයක් ඉදිරි ලිපියකින් මම ඉදිරිපත් කරන්නම්කෝ.................................

loading..

Read More »

මොකක්ද මේ protocol කියන්නේ

මම දැන් ඔයාලට කියන්න යන්නේ මගේ චූටි පුතා ගේ පොඩි කතාවක් තමයි.
මගෙ පොඩ්ඩගෙ දැන් වයස තමයි නියම වයස, මොකද මාස 9ක චූටි කොල්ලෙක් ඉන්නවා කියන්නේ ඒක මරුම මරු අත්දැකීමක්.
ඒ අත්දෑකීම විදලා නැති අය විදලම බලන්කකෝ.
ඔන්න එක දචසක් මම පොඩ්ඩව වඩාගෙන වතුර වීදුරැවක් බිව්වා. මෙන්න බොලේ මගේ podda එක පාරටම "ඈඅෑඈ...." කියලා සද්දයක් දැමිමා මම ඉතින් ඒක එච්චර ගනන් ගත්තේ නැ. ඔන්න තව දවසක් මම poddata යොගට් 1ක් කව කව ඉන්නකොට මට call 1ක් ආවා මම ඒ call 1 answer කරනකොට මට ආයෙත්  "ඈඅෑඈ...." කියලා සද්දේ අැහුනා ඒකත් ඉතින් මගේ පුතාගේ එදා දාපු සදදෙම තමයි.
මට ටික වෙලාවකින් තමයි චැඩේ මීටර් උනේ. මගේ පොඩ්ඩාට මොනවා හරි ඕන උනහම එයා ඒක ඉල්ලන්නේ  "ඈඅෑඈ...." කියලා තමා.
අපි දෙන්න කියනවා වගේ පුතා කියන්නේ "ඈඅෑඈ...." කියලා. ඊට පස්සේ නම් චූටි පුතා මොකක් හරි දිහා බලලා "ඈඅෑඈ...." කියලා කිව්වොත්  ඒක තමා එයා ඉල්ලන්නේ කියලා මම දන්නවා.

ඔන්න දැන් අපි subject  1කට බහිමු.
අර මම ඉස්සෙල්ලා කිව්වා වගේ මගේ චූටි පුතා "ඈඅෑඈ...." කියලා සද්දයක් දැම්මොත් ඒක වෙන කාටවත් තෙරෙන්නේ නැති උනාට මම ඒකේ අදහස දන්කවා. ඒ කියන්නේ මගේ චුටි පුතයි මායි අතර තිබෙන protocol එක තමයි  "ඈඅෑඈ...." කියලා කියන සබ්දය.
ඇත්තටම මෙ protocol කියලා සරලව කියන්නේ  දෙදෙනෙක් අතර හෝ කිහිප දෙනෙක් අතර යම් දෙයක් සම්බන්දයෙන් ඇතිකරගන්නාචු ගිචිසුමකටයි.
protocol කියන එක ආවේ protokollon කියන Greek වචනයකින්. protocol කියන්නේ නීති පද්ධතියකින් සමන්විත භාෂාවකට කෙනෙක් තවත් කෙනෙකුට කතා කරනකොට අනෙක් කෙනාට තේරෙන භාෂාවකින් කතා කරන්න ඕනේ නැත්නම් අනෙකාට මේලෝකේ දෙයක් තේරෙන්නේ නෑ…
මේ ලෝකේ සිටින සියඵ දෙනාටම තේරෙන එකම භාෂාව වන සංගීතයත්  බිහිරි අයට තේරෙන්නේ නෑ. හේතුව ඉතින් කන් ඇහෙන්නැති එකනේ… ගොළු අය පාවිච්චි කරන්නෙත් ඒ අයටම ආවේනික වුනු ප්‍රොටෝකෝල් එකක් (sign language).
කතාකරන කෙනා අහන කෙනාට තේරෙන භාෂාවකින් කතා කරන්නම ඕනෙ නැත්නම් communication එක ෆේල් වෙනවා….එසේනම් දෙන්නා අතර යම් භාෂාවක සම්මතයක් තවත් විදිහකට කියනවානම් දෙදෙනාටම පොදුවූ නීති පද්ධතියක් පිහිටුවා ගත යුතුයි.
TCP/IP කියන්නේ මුළු ලෝකෙටම පොදුවූ නීති පද්ධතියකින් සමන්විත ප්‍රොටෝකෝලයක්…. මෙහිදී යම්  bit pattern එකක් send කරපුවහම receiver එකට පුළුවන් එවපු දේ තේරුම් ගැනීමට.
ඕනෑම කෙනෙකුට තමන්ගේ අවශ්‍යතාවය අනුව තමන්ටම කියලා protocol එකක් සාදාගන්න පුළුවනි.  තමන්ගේම project එකකදී equipment අතර internal communication වලට Protocol එකක් design කරගත හැකියි…. නමුත් ලොකේ සිටින අනෙකුන් අතර සිදුවන communication  වලදී ලොවම පිළිගත් protocol පාවිච්චි කිරීම අනිවාර්යයි.

loading..

Read More »

Blutooth වල කාලේ දැන් ඉවරයි !

මගේ office එකේ පෙසා කියලා යාලුවෙක් ඉන්නවා. එයාගේ ඇත්ත නම පෙසා නෙමෙයි ඒත් අපි ලෙසියට කියන්නේ එහෙමයි. ඉතින් දචසක් පෙසා මගෙන් ඇහුවා ඇනිමේෂන් film එහෙම තියෙනවද කියලා ? 
හොද චෙලාවට මගේ ගාව Rio bird 2 කියලා film එකක් තිබුනා. 
මොකද 18 පැනපු කාටුන් බලන්නන්ගේ සංගමයේ මාත් ඉන්නවනේ.
ඔන්න ඔයාලත් Rio bird 2 බලලා නැත්නම් බලන්න පට්ට film එකක් තමා. හැබැයි ඒකේ Rio bird 1 බලලා තමා 2 බලන්න ඕනා.
ඉතින් ඊට පස්සේ මම ඒ film එකේ computer  share folder එකට දාලා එයාගේ Android phone එකට copy කරලා දුන්නා.
මම පස්සේ දචසක කියන්නම්කො computer එකේ share folder එකක ඉදලා Android phone එකකට file share කරන්නේ කොහොමද කියලා.
පස්සේ දචසක පෙසා එයාගේ බෝඩිමේදි මේ film එක බලනකොට එයාගේ යාළුවෙකුටත් මේ film එක ඕන වෙලා. හැබැයි මේ film එක දාන්න වෙලා තියෙන්නේ පෙසාගේ යාළුචගේ phone එකට ඉතින් පෙසා phone එකේ Bluetooth එහෙම on කරලා ලැස්ති වෙනකොටම පෙසාගේ යාළුවා කිව්වලු 
" දැන් Bluetooth වල කාලේ ඉවරයි බන් WiFi-direct තමයි දැන් file transfer කරන්න තියෙන ලේසිම සහ fast ම ක්‍රමය කියලා." 

කොහොමහරි පෙසාගේ යාළුචා ඒ film එක WiFi direct හරහා share කරගෙන තියෙනචා.

දැන් අපි බලමු මොකක්ද මේ WiFi direct කියන්නේ කියලා.

                    ඇත්තටම Wi-Fi Direct-certified devices චලට විතරයි මේ අලුත් technology එක support කරන්නේ.
ඒ කියන්නේ WiFi තියෙන හැම phone එකක්ම use කරලා WiFi direct මගින් connect කරන්න බැහැ. එහෙම connect කරනවනම් ඒවා Wi-Fi Direct-certified devices වෙන්න ඕනේ. අනික තමයි WiFi direct මගින් device 2ක් විතරක් නෙමෙ,
ඊට වඩා ගනනක් උනත් එකිනෙක හා සම්බන්ද කර ගන්න පුළුවන්. මේ technology එකේ තියෙන විශේෂම අංගය තමයි අපේ ගෙදර එහෙම නැත්නම් office එකේ තියෙන hotspot network එකට සම්බන්ධ නොවි කෙලින්ම ඒ ඒ device එකිනෙක හා සම්බන්ධ වීමට ඇති හැකියාවයි.
Mobile phones, cameras, printers, PCs, සහ gaming devices වගේ උපකරන එකිනෙක connect කරලා  ඒවායේ තිබෙන application ඒවගේම share කරන්න අචශ්‍ය files එක් device එකකින් තවත් device  එකකට ක්ෂනයකින්( Wi-Fi speeds of up to 250 Mbps) transfer කරන්න WiFi-direct  තාක්ෂණයට පුළුවන්.
ඔබ ලග දැනට තිබෙන phone එක නැත්නම්  TV එක වගේ උපකරන වල WiFi-direct පහසුකම දැනට පවතිනවද කියලා බලන්න ඕනෙනම්  පහත තිබෙන ලින්ක් එක මගින් බලාගන්න පුළුචන්.

ඔබගේ device  එක මෙම list එකේ තියෙනවද කියලා check  කරගන්න

loading..

Read More »